السلام عليكم ورحمة الله
ثانياً حجم السواك المناسب لكل واحد يختلف عن الآخر دا هيحتاج منك أنك تجرب أكتر من حجم لغاية ما تعرف أيهم ريحك في الإستخدام وعموماً حجم السواك المناسب بيتراوح بين 10 ل 15 مم يعني تقريباً قطر صابع الإيد الصغير ( الخنصر )
ثالثاً لون السواك الجيد بيكون لونه فاتح زي اللي في الصورة
رابعاً السواك الجيد مرن جداً غير قابل للكسر يعني لما تحاول تحنيه لأقصى درجه ميتكسرش وبمجرد ما تحرره يرجع لوضعه الأصلي تاني ( دا دليل على أن أليافه قوية ومتصله )
دي المقاييس الأربعة الأساسية لأي سواك جيد
أما بالنسبة للإستخدام
1- تقص الكيس بالمقص من أحد الأطراف ويستحسن يكون من الطرف الطويل للكيس ( غالبا فيه طرف طويل وطرف قصير )
2- طلع السواك من الكيس وأحتفظ بالكيس عشان هنستخدمه تاني .
3- بواسطة السكينة حز اللحاء الخارجي للسواك على بعد سنتيمتر تقريباً من الطرف وقشره برفق ( من غير إزالة أجزاء من الألياف الداخلية )
4- أضغط على الطرف اللي قشرته بأسنانك برفق لغاية الألياف ماتنفصل عن بعضها وتتحول لفرشاة .
5- أمسك السواك زي الصورة اللي جاية أو بأي طريقة تريحك وتديك تحكم أكتر فيه .
6- حرك المسواك بشكل ترددي بالطول على أسنانك بحيث تتخلل الألياف ما بين الأسنان وبحيث تلمس اللثة عشان تدلكها .
7- بالنسبة للضروس والأماكن الداخلية ممكن تحس بصعوبة في البدايات للوصول ليها لكن مع كثرة الإستخدام هيكون الموضوع أسهل بمجرد ما عضلات الوجه والفم ما تبقى مرنة
ملحوظة : دي من مميزات السواك أنه بيظبط مخارج الكلام عشان بيمرن عضلات الوجه واللسان <3
8- في بداية إستخدامك للسواك ممكن يكون فيه أثار دم من اللثة وخصوصا الناس اللي بتعاني من إلتهاب في اللثة أو حساسية ( دم فاسد ) في الحالة دي بس نشطف السواك أو نمسحه بمنديل .
9- عصارة السواك أو إفرازاته بتتبلع عشان ليها مهمة تانيه أنها بتطهر الجهاز الهضمي بالكامل مش الأسنان بس .
10- بعد الإستخدام نرجع المسواك الكيس بتاعه تاني ونراعي أن الكيس يكون مفتوح عشان التهوية .
11- كل إستخدام نخرج المسواك من الكيس بالكامل عشان التهوية بردو!! .
12- كل يوم أو أتنين لما نحس أن طعمه أتغيرنقص الطرف المستخدم ونعيد تقشير جزء جديد وبالتالي نقصر الكيس عشان يناسب الطول الجديد ( عشان التهوية :) )
ملحوظة : أتأكد أن الشعيرات أو الألياف مقصوصة بشكل متساوي عشان ناخد أعلى أداء
مبروك أنت كدا محترف إستخدام السواك متنساش النية بقا عشان كدا تبقى أخدت خيره في الدنيا وثوابه إن شاء الله ومتنساش دعوة من القلب وشير بقا والحركات دي :)
لو أي سؤال أنا تحت أمركم
السلام عليكم
أحمد
